Muthu Mandapam - මුතු මණ්ඩඩපම්

“නිල් පැහැති අහස් තලය පසුබිම් කරගෙන වලාකුළු පෙරහැර කොතැනක යන්නේද? එය අවමංගල පෙරහැරක් වැනි යයි ඔබට සිතෙන්නේ නොමැතිද දේවිය?” මගේ සිත කීරි ගැසිණ. එහෙත් ආයාසයෙන් ශෝකය මැඩ පවත්වා ගත් මම ඔහුගේ වේදනා දෙන අත සෙමෙන් පිරිමැද්දෙමි. “එය අවමංගල්‍ය පෙරහැරක් ලෙස මම නොදකිමි රජතුමනි. මට එය පෙනෙන්නේ දළදා පෙරහැර ලෙසින්. සුදු වලාකුළු මා දකින්නේ හස්තීන් ලෙසින්. දුටුවේද රජතුමනි අර විශාල දළදා කරඬුව පිට මත තබාගෙන සිටින හස්තියෙකු ලෙසින් දිස්වෙන අයුරු?” “සැබෑමයි” ඔහු වේදනාත්මක මඳ සිනාවක් නැගුවේය.