Yaaya Australia - මටම අහිමි මම 2 by Priyanka Amarathunga

"මං හැමදාමත් ඔයාට ආදරෙයිනෙ සුබා. ගමේ මිනිස්සුන්ගෙන් අවමන් විඳ විඳ හැදෙනවට වඩා දරුවා අපේ ළඟ සැපට හැදේවි. ඔයාට ඔ්නෙ වෙලාවක ඇවිත් බබාව බලල යන්න පුළුවන්." "දරුවා දකින දකින වාරයක් පාසා අප්‍රසන්න අතීතයක් මගේ හිතට එනව තමයි තාරිකා අක්කෙ... ඒත් එහෙමයි කියල මට මගේ දරුවව දීල අත්දෙක පිහගෙන ගෙදර යන්න පුළුවන්ද? මම අම්ම කෙනෙක්!" "දෙන්න බැරිනම් තියාගන්න කියන්න... ඊටපස්සෙ වෙන දේවල් මං දැනටමත් එයාට තේරුන් කරලා දීල තියෙන්නෙ." සුභාෂිණීට ළය පුපුරා යන්නාක් මෙන් වේදනාවක් දැනිණ. කිසිවක් සිතා ගත නොහැකිව ඇය මව දෙස ද බැලුවේ පිළිසරණක් බලාපොරොත්තුවය. "ආයෙ දරුවට කිරි දෙනව නමි දීල, නෝන‌ට දරුව බාර දීපන් මයෙ අම්ම. පහුගිය ආත්මෙක උඹයි මමයි අපි ඔක්කෝම එකතු වෙලා කළ පාප කර්මයක් තමයි මේ පල දෙන්නෙ!" සුභාෂීණී දරුවා ලයට තුරුලු කර ගත්තාය. රූපවතී මෙන්ම තාරිකාද කඳුළු පිස ගත්තේ, සුභාෂීණීගේ සිත තවත් පීඩාවට පත් නොකරනු පිණිසය.