The Three Daughters of Madame Liang - මැඩම් ලියාන්ගේ දියණියෝ

“ඔබ මට දැන් ආදරේ නැත් ද?” ඇය ඇසුවාය. “මං ඔයාට ආදරෙයි” ඔහු කීවේ ය. “ඒත් මගේ කෙල්ලේ මට කන් දෙන්නකෝ. වැටෙන් එහා පැත්තෙ ඉන්න ගෑනිගේ බඩේ ඉන්නේ මගේ දරුවා. හිතන්න.. ඒ පුතෙක් නම්...” “ඔබ හැසිරෙන්නෙ තවමත් පැරීසියේ ඉන්න විදියට” ඇය ඔහු වෙත කඩා පැන්නාය. ඔහු සිනාසුණේ ය. “මම පැරීසියේදී හුඟාක් දේවල් ඉගෙන ගත්තා” ඒ අවසන් අරගලයට පෙර ඔවුන් අතර වෙනත් අඬ දබර ද ඇතිවිය. එහෙත් වැටෙන් එහා ගැහැණිය පුතෙකු වැදූ පසු ඒ අරගල හමාර විය. ඔහු සම්පූර්ණ වශයෙන් චීනෙකු වී එම ගැහැණිය උප බිරිඳක් ලෙස නිවසට කැඳවා ගෙන පැමිණියා පමණක් නොව නිවසේ දියණියනට තිබූ තත්වය අහෝසි වී ගොස් එම තැනට ඒ කුඩා කොලුවා පත්වූයේ ය. ඒ ඔහුගේ පුතා ය. නිවසින් පිටව යන විට හෝ ඇය ඔහු හා කලහ කර ගත්තේ නැත.