Thaththakara - තත්තකාර

බබුන් කුඩා දැරිය තුරුළු කර ගත්තාය. උණුහුමට ඈ තුරුළු වූයේ කුඩා මී පැටවෙකු සේය.බෙහෙත් කොළ සුවඳක් මිස ඈ කෙරෙන් කිරි සුවඳක් වහනය වූයේ නැත. කුඩා දැරිය සිය ළපටි මුහුණ බැබුන්ගේ ළැම මත්තේ තෙරපුවාය. තම පියොවුරු බර වෙන්නාක් මෙන් බබුන් නෝනාට දැනිණ. හැඳ සිටි බොඩිය පිපිරී යන්නට තරම් වේදනාවක් එත්දී බබුන් හැට්ටයේ ආයාකටු පන්නා මිණිබිරියගේ සිඟිති මුව පියොවුරක ගැටෙනිනට සැලැස්වුවාය. සැහැල්ලු එල්ලා හැලෙන දෙතනක් තවදුරටත් එහි තිබුණේ නැත. කුඩා දැරිය සූස් සූස් ගා උරනාවිට පියොවුරුවල බරගතිය සැහැල්ලු වී යන්නාක් මෙන් බබුන් නෝනාට දැනිණ.