Suramya - සුරම්‍යා

ගමක එකම දා සිදු වූ මංගල්‍යෝත්සව තුනකි. අධික මානයෙන් හා වෛරයෙන් පිම්බුණු එක් මනාලයෙකුගේ වැඩිහිටියන් ගේ දොර පවා උකසට තබමින් කිසිවෙකුටත් නොදෙවනි වන සේ තම දරුවාගේ මංගල්‍යෝත්සවය නිම කළේ මහ ඉහළිනි. එහෙත් වැඩි කල් යා නොදීම එම යුවතිපතීන් අතර ඇති වූ අමනාපකම් හා අඬ දබර නිසාම දෙදෙනා දෙපසට වූවා පමණක් නොව, මනාලයාට සිදුවූයේ අකාලයේ ආබාධිතයෙකු වී දුක්බර ජීවිතයක් ගතකිරීමටය. එහෙත්, දෙවැනි යුවළ එතරම්ම උසස් අන්දමින් සිය මංගල්‍යෝත්සවය නොපැවැත්වුව ද, මනාලයාගේ සැර පරුෂ බවත්, නොමනා හැසිරීම් රටාව නිසාත් එම විවාහ දිවිය අසාර්ථක වූයේ ද ශෝචනීය අන්දමිනි. යමක් කරකියා ගත හැකි පවුල් දෙකක් අතර සිදු කෙරුණ විවා මංගල්‍යය එතරම් සාටෝප නොවුණත් එම බුද්ධිමත් යුවළ සාමයෙන් සමාදානයෙන් දෛනිකව තම වැඩ කටයුතු කරගෙන යාම නිසා වාසනාවන්ත අනාගතයක් උදාකර ගැනීමට සමත් වූහ.