Samuduru Susanaya - සමුදුරු සුසානය

ඔව් ... මං හොරෙක්. හොරෙකුගෙන් හොරකම් කරගත්ත හොරෙක්. මං හොරකම් කළේ 'රත්තරන් කුටියේ තිබුණ "රත්තරන් හංසයාව." "රත්තරන් කුටිය" කියන්නෙ ප්රෝසියාවෙ පීටර් රජතුමාට අයිති වෙලා තිබුණ විශාල රත්තරන් කාමරයක්. දඹරනින් හදල මැණික් වලින් වැඩ දාලා තිබුණ මේ කුටියෙ වටිනාකම කියන්න බැරි තරම්. ඒ රන්කුටිය ඇතුළේ තිබුණා ඊටත් වැඩියෙන් වටින රත්තරන් හංසයෙක්.. හිට්ලර්, මේ රන් කුටිය එයාගෙ නාසි භටයින් ලවා හොරකම් කෙරෙව්වා. ලෝකයේ වටිනා කලා කෘති දහස් ගනණක් හොරකම් කරපු හිට්ලර් වැඩියෙන්ම ඇලුම් කළේ රන් කුටියට. එයාගෙ වටිනාම වස්තුව වුණේ මේ රන් කුටියේ රත්තරන් හංසයා.. එයා ඒ රන් කුටිය කෑලි ගලවල කොනිග්ස්බර්ග් කෞතුකාගාරයේ රහස් බංකරයක පතුලේ හැංගුවා... ඉතින් ඒ බංකරයේ හංගපු රත්තරන් හංසයාව මං හොරකම් කළා.. ‍ඔව්.. මගේ තාත්තා මරපු හිට්ලර්ගෙන් පලිගත්ත මං එයාගෙ වටිනාම වස්තුව හොරකම් කරගෙන පැනල ආවා. මං පැනල ආවෙ පලිගන්න.. ඒත් තව ලක්ෂ ගාණක් මිනිස්සු පැනල ආවෙ ජීවිතේ බේරගන්න.. අපි හැමෝම එනකල් බලාගෙන හිටිය එක්කෙනෙක්.. ඒ අපේ දෛවය.. දෛවය කියන්නෙ දඩයක්කාරයෙක්.. ඒ දඩයක්කාරයා.. මළමිණී නවදාස් හාරසීයක්, බලාපොරොත්තු සිය දාස් ගාණක්, ලෝකයෙන්ම වසන් කරපු බිහිසුණුම රහසක්, බෝල්ටික් මුහුදු පතුලෙ හැංගුවා... මේ රහස හැමෝටම කියන්න. මං ෆ්ලෝරියන් බෙක්