Naga Washiya - නාග වශිය

“එක ක්‍රමයකින් සල්ලි හම්බ කරන්න බැරි නම් ඒකට තවත් ක්‍රම බොහොමයක් තියෙනව. ඔයා ඒ ගැන කවදාවත් හිතල තියෙනවද?” ග්ලෝරියා සෙල්බි ඇගේ මෝටර් රථය ක්‍රියාවිරහිතව මාර්ගයේ අතරමංව සිටිනවා දැක උපකාරයක් ලෙස තම වාහනයෙන් කැඳවාගෙන යන හැරී කොලින්ස් දෙස මිහිරි සිනාවක් පාමින් ඇසුවාය. ඇගේ නෙත් සිත් ඇද ගන්නා රූ සපුවට වශී වූ හැරී, මකුළු දැලක පටලැවෙන මැස්සෙකු මෙන් විනාශය කරා නොදැනුවත්ම ගමන් කළේය. පිරිමින් අමාරුවේ දැමීමට ඔවුන්ගේම දුර්වලකම් සූක්ෂම අයුරින් උපයෝගී කර ගැනීමට ග්ලෝරියා මනාව දැන සිටියාය.