Golu Hadawatha - ගොළු හදවත

“දම්මි, තක්ෂිලාව තවම එහෙම ම යි. කිසි වෙනසක් නෑ. ඉස්සර වගේමයි” ඔහු කීවේ තමා මේ දැන් සිටින්නේ තානායමේ ඉස්තෝප්පුවේ ය යි සිතා ගෙන මෙනි. ‘තක්ෂිලාව විතරක් නොවෙයි’... ඇයගේ සිතට නැගිණි. ‘අපටත් වෙනසක් නොවී ඉන්න වුණා නම්’ ඇය අතීතය ගැන තවමත් කිසිවක් කීවේ නැත. ඔහු තුල කෝපයක් නැගෙන්නට විය. “ඇයි දම්මි අපි තක්ෂිලාවට ගියේ? ඇයි අපි එහෙදී මුණ ගැසුණෙ?” ඇය හිස ඔසවා පුදුමයෙන් මෙන් බැලුවාය. පරම්පරා හතරක සහෘද පාඨක හදවත් ස්පර්ශ කළ කරුණාසෙන ජයලත් ශූරීන්ගේ ‘ගොළු හදවත’ නවකතාව ආචාර්ය ලෙස්ටර් ජේම්ස් පීරිස් මහතාගේ විශිෂ්ඨ සිනමා කෘතියක් ලෙසින් ද අතිමහත් ජනප්‍රියත්වයක් අත්කරගත් අමරණීය පෙම් පුවතකි.