Mage Deshaya avadi karannata - මාගේ දේශය අවදි කරන්නට

දෙදහස් හතලිහේ දැක්ම නොහොත් Vision 2040 Limited යනු වර්ෂ 2040 වන විට සෞභාග්‍යමත් ශ්‍රී ලංකාවක් ගොඩනැගීම සඳහා ලංකාවද ඇතුළුව ලෝකය පුරා වාසය කරන ශ්‍රී ලංකික සම්භවයක් ඇති විද්වතුන්, වෘත්තිකයන්, ව්‍යාපාරික නායකයන්, නව නිපැයුම්කරුවන්, සිවිල් සමාජ ක්‍රියාකාරීන්, කර්මාන්තකරුවන්, කෘෂිකාර්මිකයින් සහ විශ්ව විද්‍යාල ශිෂ්‍ය ප්‍රජාව, පක්ෂ දේශපාලන මැදිහත්වීමකින් තොරව සාමූහික ප්‍රයත්නයක් ලෙස ආරම්භ කරන ලද, රාජ්‍ය-පෞද්ගලික සහ සිවිල් සමාජ සහයෝගීතාව සඳහා වූ ශ්‍රී ලාංකික සංවිධානයකි. එය සමාජ ව්‍යවසායක රාමුවක් තුළ සීමාසහිත සමාගමක් ලෙස 2021 අගෝස්තු මාසයේදී ලියාපදිංචි කර තිබේ. මෙම සමාගමේ වත්මන් සභාපතිවරයා ලෙස කටයුතු කරන සේනක දඹවින්න විසින් සම්පාදිත, එකී සමාගම විසින් ප්‍රකාශිත “මාගේ දේශය අවදි කරන්නට” ලංකාව හසුවී සිටින දරීද්‍රතා උගුලෙන් ගලවා සෞභාග්‍යමත් දේශයක් බවට පරිවර්ථනය කිරීම සඳහා ප්‍රායෝගික යෝජනාවලියක් ඉදිරිපත් කරයි.