Wish - විෂ්

මූසල මීදුම පරිසරයම වෙළාගෙන තිබුණි. සුදු හා කළු වස්ත්‍ර ඇඳගත්ගැහැණු හා පිරිමි මීදුම් කළුවර අතරින් සුවිසල් මැදුරින් පිටතට පියමං කළේ දේහය රැගත් වාහනය පිටුපසිනි. මීදුම මැදින් ගලනා සීතල සුළං ධාරාව කියා පෑවේ සොඳුරු යෞවනයෙකුගේ වියෝව පරිසරයටද දරාගත නොහැකි බවයි. වසර ගණනාවක් පුරා සිදු වූ සියලු හැලහැප්පීම් හා රහස් දරාගෙන සුවිසල් මන්දියටද නිසලව බලා සිටිනවා හැර කරන්නට වෙනත් යමක් නොතිබුණි. ඒ සුවිසල් මැදුරේ බිත්ති වලට කතාකළ හැකි නම්, මෙතෙක් කාලයක් පුරාවට වූ මහා ඛේදවාචකය නොබියව ලොවට පවසනු ඇත. එහෙත් ඒ වන විට සියල්ල සිදු වී හමාරය.