Yaaya Australia - තී හා තා by Surath De Mel

නවකතාව සඳහා වූ අපූර්ව භාෂා ශෛලියක් නිර්මාණය කරන නවකතාක්, හැඟුම්බර හා බියකරු සිදුවීම් මෙන්ම ලිංගිකත්වය පවා (ඒවායේ මුල් නොසිඳෙන සේ) සදය උපහාසයකින් ප්‍රතිනිර්මාණය කිරීම‌ට කතුවරයා සමත්. මෙය සිංහල නවකතාව තුල අතිශය විරල අත්දැකීමක්. වියමන තුල සෘජුව ප්‍රකාශමාන නොවන හැඟවුම්කාරකයන් ගවේෂනය කිරීමට පාඨකයා පොළඹවන සුළු ආක්‍යානික ප්‍රවේශය නිසා කෘතියේ ගැඹුර හා රසය තීව්‍ර වේ. - සමන් වික්‍රමාරච්චි තී හා තා අසීමිත බැඳීමක් පිළිබඳ කතාන්දරයකි. ආදරයක මටසිළුටු බව සේම රළු පරළු බව ද එක්තැන් කළ අමුතු නවකතාවකි. නූතනයේ එක්තරා පරම්පරාවක ආදරය පිළිබිඹු කරන නවකතාකරුවා ඒකී තරුණ ජීවිත සමූහය දෙස හෙළන්නේ අසම්මත මුත් නව්‍ය දෘෂ්ටියකි. ඊටම උචිත වූ ලේඛකයාගේ සුවිශේෂ භාෂා භාවිතය පාඨක සිත් ඇද බැඳ ගනී. - සුමිත්‍රා රාහුබද්ධ