Tharuvakata pem kalemi - තරුවකට පෙම් කළෙමි

හරේන් සර් මැරුණදාම සර්ගෙ දුව අර සුපර් ඩාන්සර් තරඟයෙන් පළවෙනි තැන ගත්තලු. හොඳම දේ කියන්නෙ තාත්තගෙ මළ ගෙදර දුව ඇවිත් නෑ. ඔන්න ඔහොම තමයි බං ජීවිතේ හැටි. උඹ දුක්වෙන්න එපා. මළගෙදර නොදැන්නුවෙ උඹට එන්න විදියක් නැති නිසා. ඒක නෙමෙයි තවමත් උඹ මල් හදනවද සේනි? තීරණේ වෙනස් වෙච්ච දවසක ආපහු කැම්පස් වරෙන්. ආදිත්‍ය සර් නිතරම උඹව මතක් කරනවා. ගිය සතියෙ දවසක උඹගෙ ලස්සන කවි පන්තියක් පත්තරේ දැක්කලු. උඹගෙ කවි හරිම සුන්දරයි සේනි. ඉස්සර උඹ ලිව්වා වගේ අපි හැමෝම තරුවලට ආදරේ කරනවා. ඒත් තරු බොහෝම ඈතයි කියලා තේරෙන්නෙ කාලයක් ගත වුනාට පස්සෙ.