Sooryanasha - සූර්යනාශ

ඇය තම දෑස් විවර කළාය. ඒ දෑස් කෝපාග්නියෙන් දැවෙමින් පැවතුණි. වසර විස්සකට පෙරාතුව ඒ ඛේදජනක රාත්‍රියේදී සිදු වූ සෑම සිදුවීමක්ම පාහේ කිසිඳු අඩුවක් නොමැතිව ඇගේ මතකයෙහි ගැඹුරෙහිම රැඳී තිබුණි. ඒ මතකයන් ස්මරණය කරන්නා වූ සෑම මොහොතක් පාසාම ඇය තුළ වූ වෛරයේ අග්නිජාලාවන් බුර බුරා ඇවිළෙන්නට වූයේ ඇය තුළ තමන්ට සෑම සියලු දෙයක්ම අහිමි කළවුන් කෙරෙහි වූ බද්ධ වෛරය තව තවත් ලියලමින් වඩවාලමින්ය. විසි වසක් මුළුල්ලෙහිම ඇය ඒ වෛරයට තමන්ගේ සන්තානය තුළ රිසි සේ වර්ධයනයට අවකාශය ලබා දී තිබුණි. ඇයට අවැසිව තිබුණේ එකම දෙයකි. ඒ පළිගැනීම පමණි... විසි වසක් මුළුල්ලෙහිම අප්‍රමාණ වූ දුක්ඛදෝමනස්සයන්, වධහිංසනයන් ඉවසා දරා ගනිමින් කෙසේ හෝ ජීවිතය ගැටගසා ගනිමින් ඇය ඇගේ අරමුණ වෙතට ක්‍රම ක්‍රමයෙන් ළඟාව තිබුණි. දැන් ඇය අභිමුව වූයේ ඒ අරමුණෙහි අවසාන පියවර ක්‍රියාත්මක කිරීම පමණි.....