Sitha Dagakarai - සිත දඟකාරයි

මමයි ශානුයි කතා කරකර ඉන්න තැනින් චලා පණ කඩාගෙන දිව්වා. මොකද බොලේ මේ.. මුගෙ පස්සෙන් අංගුලිමාලවත් දුවන් එනවද? මට තත්පර දෙක තුනක්වත් කල්පනා කරන්න හම්බවුනේ නෑ. ඌ ගිය පාරෙන්ම දමිතත් දුවන් එනවා. එහෙනං මේක මණ්ඩලේ කචල් සීන් එකක්. සීන් එක මොකක්ද කියල දැනගන්න මං දමිත්ව නතර කර ගත්තා. “බලපන් අනූ.. අරූ කරපු බලු වැඩේ..” “මොකක්ද..?” “ඌ ජජ් බෝඩ් එකට දීපු කොලේ මගේ නම වරද්දලා ලියලා..” “මොනව කියලද?” “මූ මගේ සර්නේම් එක ඉංග්‍රීසියෙන් ලියලා තියෙන්නෙ දෙකට කඩලා. ඒ සර් කොලේ බලල ඒ විදියටම මගේ නම කෑ ගහල කිව්වනෙ” දමිත්ගෙ හරුපෙ මටනං තේරුණේ නෑ. “සර් මොකක්ද කිව්වෙ..?” “දමිත් මදන යකා කියල..” එහෙම කියපු දමිතයා ආපහු චලාගෙ පස්සෙන් පන්නන්න ගත්තා. එතකොටයි මට මතක් උනේ උගේ වාසගම මදනායක කියලා.