Sinasemu Atheetheta - සිනාසෙමු අතීතෙට

“ඊයෙ රෑ පුරාම මිනිහෙක් මගෙ කාමරේ දොරකඩ ගාව ඉඳගෙන ජීවිතේට අහපු නැති කුණුහරුප කියලා බැන්නා” “ඒ ඇයි?” “නැහැ ඊයේ ෆීල්ඩ් එකේ යන දවස. ඒ මනුස්සයාගේ ගෑණු මනුස්සයාට පස්වෙනි දරුවට මාස තුනයි. ඊළඟට වැඩිමල් ළමයාට අවුරුද්දයි. අනිත් ළමයාට අවුරුදු දෙකයි. වැඩිමල් ළමයට අවුරුදු පහයි. ඒ මනුස්සයා හොඳටම දුර්වලයි. පොඩි දරුවට දෙන්න කිරිත් නැහැ. මම කිව්වා, ඇත්තටම ඒක මගේ අදහසක් නෙවෙයි. නමුත් අපි උපදෙස් ලබලා තියෙන්නේ ඒ විදිහට. එහෙම වෙලාවට නැවත දරුවෙක් හදන්න එපා. මොනවා හරි උපත් පාලන ක්‍රමයකට යන්න කියලා කියන්නේ. “ඉතින්?” “ගෑණු මනුස්සයා මෙයාට මේ බව කියන්න ඇතිනේ මට ඉතින් රෑ එළි වෙනකම් බැන්නා. සිංහල ජාතිය වඳ කරන්න උල්පන්දම් දෙනවලු. මං ත්‍රස්තවාදියෙක්ලු” වසන්තට හිනාවක්ද ගියේ ය.