Rosa Katu - රෝස කටු

පොල් කොටයේ මුල පැත්ත ඔසවා එය තාත්තාගේ කර මත තැබිය යුත්තා මම ය. පහත් ව දෑත් තබා අල්ලාගෙන ඔසවන්නට වෙර දැරුව ද අඟලක්වත් ඉස්සුනේ නැත. පෙරළුනා පමණි. “බැරි ද..?” “බර යි ..” “කෝ අයින්වෙයං..” ඒ මහා විස්මය ඇරඹියේ ඒ තැන සිට ය. මට ලැජ්ජත් හිතෙ යි. කාරි නැත. මේ මගේ තාත්තා ය. අමලා, දරුවා වඩාගෙන ගේ පිළිකන්නේ බලා සිටී. තාත්තා මගෙන් කිසිදු උපකාරයක් නොතකා පොල් කොටය ඔසවා කර මත තබා ගත්තේය. මෙන්න...! පාරේ දකුණු පැත්තට ගමන්කොට වියළි තණගොල්ල දිගේ සාමාන්‍ය වේගයෙන් යයි! පොල් කොටය හොන්ඩර එකහමාරක්වත් වෙන්න ඕනෑ ය. එය බිම තැබීමක් හෝ මග නතරව හති ඇරීමක් හෝ නැත. ගෙන යන්නේ කොටුවේ වැටේ මුල් කණුව වශයෙත් හිටුවන්න වෙන්න ඇති.