Ran Duhuwili - රන් දුහුවිලි

ඔහු හිස එසෙව්වේ ය. ඉනික්බිති මා උන් අන්තයට හැරී මගේ උකුල් යහනේ හිස තබමින් සුව පහසු ලෙස එහි ගිලී දෙඇස් පියා ගත්තේ ය. "මට... මේ වගේ තව ගොඩාක් කල් ඉන්න ඕන මැණික.. හිතට පුදුම සැනසීමක් දැනෙනවා මට... ඔයා... තනිකරම වශියක්... හරියට කාන්දමක් වගේ මං ඔයා ලඟටම ඇදෙනව" ඔහුගේ හඬෙහි නියමිත තාලයද පලා ගොස් කෙඳිරීමක් එයට එක්කාසු වී ඇත්තේ ය. මම අඩවන් දෑසින් ඔහු දෙස හිස ඔසවා බැලුවෙමි. යලිත්... ඒ තරු ඇස් මගේ ඇස් සොයා ඇදෙමින් තිබිණ. නිදහස්ව තිබූ අනෙක් අතින් මගේ එක් කම්මුලක් සිනිඳුව පිරිමැදි හෙතෙම පසුව මෘදුව... ඉතාමත් සුසිනිඳුව ඒ කම්මුල සිප ගත්තේ ය.