Piyavi - පියවි

“අනේ සජී.. බලන්නකො අයියෙ.. මේ.. මේ..” කලබලයට පත් සජිත් රියෙන් බැස ගනිද්දී ඒ හා සමාන වේගයකින් බිමට පැනගත් මන්දාරා කෑ ගැසුවේ බිම වැටී උන් මිනිසා ලේ විලක් මැද දඟලමින් ගැහෙමින් ඉන්නවා දැක ය. “ඉක්මනට හොස්පිට්ල් එකකට ගෙනියමු බබා. තාම පණ තියෙනවා” තමාගේ වරද ගැන දහස්වර කම්පාවෙමින් සජිත් එසේ කීවද, ඔවුන් දෙදෙනා සිරුර ළඟට ළං වීමටත් පෙර එහි ගැස්ම එකවරම එකවරම නතර වී දේහය නිසල විය. “මයි ගෝඩ්” තමා මුහුණ දුන් සිදුවීමේ අවදානම තේරුම් ගත් සජිත් හිස බදා ගනිත්ම, එම පාරේ ඈත කෙළවරකින් ආලෝක ධාරාවක් මතුවනු මන්දාරා දුටුවාය. “සජී.. ඈතින් වාහනයක් එනවා.. මොකද කරන්නෙ? තමන් දෙදෙනා මේ මොහොතේ අසු වුවහොත් නීතියෙන් ගැළවීමක් නොලැබෙන බව දැනගත් යුවතිය සජිත්ගේ සුරතේ වෙළී හඬ නැගුවාය. “මන්දි.. නගින්න වාහනේට. ඉක්මනට නගින්න”