Yaaya Australia - කැලේ ගස by Jayakody Senevirathne

ජාති, ආගම්, කුලබේද මුලින්ම මතුවන්නේ පවුල නමැති කුඩා ඒකකය තුළය. ඇති නැති පරතරයේ පෝෂණය ද ලබමින් මේවා සමාජය පුරා විහිදී යයි. මෙය සමාජයේ සාමයට හා සහජීවනයට බෙහෙවින් හානි පමුණුවන බවට අපි අප්‍රමාණ අත්දැකීම් ලබා ඇත්තෙමු. දැනුදු ලබමු. මෙම ව්‍යසනය දැනට ලාංකික සමාජය ග්‍රහණයකොට ගෙන රෝගාතුරකොට ඇති බව පැහැදිලිය. 'කැලේ ගස' ඔස්සේ පවුල් ඒකකයන් තුළින් මෙම බේද ඉස්මතු වන අයුරු විමසා බලන්නට ලේඛකයා වෑයම් කරනු පෙනේ. ඒ සඳහා ඔහු, පොඩි මහත්තයා, පොඩි හාමිනේ, චූටි මැණිකේ, අප්පුහාමි, කැතරිනා, උක්කුං, මහතුන්, මොරිසන්, ගැලිසන්, ජයනෙත්ති, සිරිල් හා සුද්දි යන චරිත අපූරු ලෙස හා රසවත් අයුරින් උපයෝගී කරගෙන ඇත.