Kadol Aththu - කඩොල් ඇත්තු

යුධ ජයග්‍රහණයේ විශාලතම කොටසට හිමිකම් ඇත්තේ ඈත පිටිසර ගම් දනව් වල ජීවත්වන දිලිඳු දෙමාපියන්ට දාව ඉපදී, නිසි කල වයස පැමිණි වහාම හමුදාවන්ට බැඳී තම ජාතිය සහ අනාගත පරම්පරාව වෙනුවෙන් සටන් කළ වීරෝදාර සෙබළුන්ටය. ඔවුන් අතරින් දස දහස් ගණනක් වීරෝධාර සෙබළුන් මව්බිම වෙනුවෙන් දිවි පිදූ අතර තවත් දස දහස් ගණනක් යුද්ධයේදී දරුණු ලෙස තුවාල ලබා පූර්ණ ආබාධිත තත්වයට පත්වූහ. රට ජාතිය වෙනුවෙන් අති උතුම් යුග මෙහෙවරක යෙදුණු මෙම දේශයේ දරුවන්ව, ඔවුන් ලබා දුන් නිදහස භුක්ති විඳින අපගේ රට වැසියන් බෝහෝ දෙනෙකුට අද අමතක වී ඇති බව කණගාටුවෙන් වුවද සඳහන් කළ යුතුය. මෙම නවකතාවේ කතා නායකයා ලෙස එන නාලක ජිනසේන ඇතුලු චරිත සියල්ලක්ම මන:කල්පිත චරිත වුවද කථා නායකයා මුහුණ දෙන පීඩාකාරී ප්‍රශ්න සියල්ලක්ම පාහේ මෙම ආබාධිත සෙබළුන් හට අබ සමාජය තුළ මුහුණ පෑමට සිදුවූ ඒවා බව සඳහන් කළ යුතුය. මෙම ප්‍රශ්න මෙම නවකතාවට ඇතුළත් කිරීමෙන් කතුවරයා බලාපොරොත්තු වන්නේ පූර්ණ කාලීන ආබාධිත සෙබළුන් හට අප සමාජය තුළ අනුකම්පාවක් නොව, ගෞරවයක් ලබාදීමය.