Bogahawaththa - බෝගහවත්ත

“සමෘද්ධිය කැපුවෙ අපිට සුදුසුකම් නැති හින්ද නෙමේ. අපි උන්ගෙ පක්ෂෙ නෙමේ හින්ද” නයෝමි කිව්වා. “ආවාවෙකො උන්දලා ඊළඟ පාර ඡන්දෙ ඉල්ලගෙන.. ඉදලෙන් ගහල එලවන්නෙ..” සමන්ති එහෙම කිව්වා. “අපට නම් දැන් මේ කෙරුවාව එපාවෙලා තියෙන්නෙ. උනුත් එකයි.. මුනුත් එකයි.. ඡන්දෙ ගන්නකම් තමා අපේ ප්‍රශ්න විසඳන්න පොරොන්දු දෙන්නෙ.. බලේට ආවාම එකෙක්වත් අපි ගැන බලන්නෙ නෑ” අමරදාස කිව්වා. “ඔව්වොව්.. ඒක ඇත්ත..අපිනම් මේ පාර එකෙකුටවත් ඡන්දෙ දෙන්නෑ..” නයෝමි ආයෙමත් කිව්වා. හැමෝම ඒකතාව අනුමත කළා. “උඹලා ඔය කරන්න යන්නෙ තමන්ගෙ ජාතියට කරන ලොකුම හතුරුකම” බෝගහවත්තෙ නූගත් ජනතාවට ලොකු පැහැදිලි කිරීමක් කරන්න හිතාගෙන ධනපාල මහත්තයා ඉස්සරහට ආවා.