Avi Bimaka Giniyama - අවි බිමක ගිනියම

"තැන තැන බිම වැටී ඇති ගස්ලබු ගෙඩි දකිත්ම කෝප්‍රල් හීන්අප්පුගේ උත්සාහය පිළිබඳ සෙසු අයට පැහැදිලි විය. කුසගිනි නිවාගන්නට ඔහු දැරූ ප්‍රයත්නය ගස්ලබු ගසේ ඉහළ සිට පහළට රක්ත වර්ණයෙන් සටහන් වූයේය. භට නිවාසයට ඔසවාගෙන ගිය ඔහුගේ සිරුර ඒ වන විටද ගැහෙමින් තිබිණි. සහයට පැමිණි හෙලිකොප්ටරය ත්‍රස්තවාදී ප්‍රහාර හමුවේ ගොඩබැස්සවීමට නොහැකි වූයෙන් ගුවනේ නොපෙනී යන අයුරු කොකාවිල් සෙබලු බලා සිටියහ. ඒ වන විටද ලුතිනන් අලදෙනිය හීන්අප්පුගේ සුරත තදින් අල්ලාගෙන සිටියේය. මද්දහනේ අව් රශ්මිය භට නිවාසයේ වහල විනිවිද දැනෙන්ට විය. අවසානයේ සියල්ල ගිනියම් වූ මොහොතක කෝප්‍රල් හීන්අප්පු තම සීතල සිරුර පමණක් සහෝදර සඟයන්ට ඉතිරි කළේය"