Anuththara - අනුත්තරා

රූමත් අනුත්තරාට පාසැල් වියේ දී දයාසිරි සිතින් ප්‍රේම කළේය. තමා තරමක් විරූපී පෙනුමැත්තකු වීම නිසා ආදරය හෙළි කරන්නට හෙතෙම බිය විය. පසු කලෙක අනුත්තරා ගම්බද ගෘහනියක හා මවක වූවාය. දයාසිරි නීතිඥයෙකු බවට පත් විය. දොළොස් වසරක් ගත වූ තැන ඔවුහු අහම්බෙන් කොළඹ දී මුණ ගැසෙති. “සමාවෙන්න... ඔයා අනුත්තරා නේද?” ඇය බහක් නොදොඩා ඇසිපිය නොහෙළා, යාන්තමට දසන් දිස්වන සේ තුනී සිනාවක් නැඟුවාය. “ඔවු... ඔයා දයාසිරි?” දයාසිරි පුළුල් සිනාවක්ක නැඟීය. තම සිනාව අව ලස්සන යැයි හැඟුණෙන් හෙතෙම වහා දෙතොල් පියවා ගත්තේය. “ඔවු... මම හිතුව අනූට මාව අඳුරන්න බැරි වේවි කියල” මේ හමුව, දෙදෙනාගේ ජීවිතවල ඉරණමට බලපෑ අයුරු ‘අනුත්තරා’ නවකතාවෙන් රසවත්ව අපූරුවට හෙළි කෙරේ.