Adaraya Bala Hindi - ආදරය බලා ඉදී

චීන හමුදා සේවයේ නියුතු ලින් කොන්, සෑම ගිම්හානයකම තම ගම්මානය බලා යන්නේ, ආදර බැඳුමකින් තොර, යෝජිත විවාහයක් මගින් ඔහු හා බැඳී සිටින, කුලෑටි එහෙත් භක්තිමත් ගැමි බිරිඳගෙන් නීත්‍යානුකූලව වෙන්වීමේ දැඩි අපේක්ෂාවෙන් යුතුව ය. එහෙත් ඒ හැම වරම ආපසු නගරයට යන ඔහුට එහි සිටින තම උගත්, නාගරික පෙම්වතිය වූ මන්නා නම් හෙදියට ඔවුන්ගේ විවාහ ගිවිස ගැනීම කල් දැමීමට සිදුවන බව පවසන්නට සිදුවෙයි. එකිනෙකාට බෙහෙවින් වෙනස් ගැහැනු දෙදෙනකුගේ පරස්පර විරෝධී ඉල්ලීම්වලට මැදිව, පරදාර සේවනය ජීවිතය හා වෘත්තියේ පැවැත්ම විනාශ කරන හේතුවක් ලෙස සැළකෙන සමාජයක් තුළ, මේ අයුරින් දහඅට වසරක් ගෙවී යයි.