A Walk to Remember - මතකසේ රැඳි පිය සටහන්

සෑම අප්‍රේල් මසකම, ලිලැක් මල් සුවඳ මුසු වූ සුළඟ හමනා විට, ලැන්ඩර් කාටර් හට බියුෆෝර්ට් උසස් විද්‍යාලයේ ගත කළ අවසන් වසර සිහිපත් වේ. 1958 වසරේ දහහත් හැවිරිදි වියේ පසු වූ ඔහු ගත කළේ කෙළිලොල් දිවියකි. නගරයේ බෞතීස්ම පල්ලියේ දේවගැතිවරයාගේ දියණිය වූ ජෙමී සුලිවාන් කෙරෙහි ඔහුගේ අවධානයක් යොමු නොවූ තරම්ය. තමා යන සෑම තැනම බයිබලය රැගෙන ගිය නිහඬ යුවතියක වූ ඇය, අනෙකුත් තරුණ වියේ පසු වූවන්ට වඩා වෙනස් අන්දමේ දිවි පෙවෙතක් ගත කළාය. අසරණ සතුන්ට පිහිට වෙමින්, අනාථ නිවාසයක ළමුන් හට උදව් කරමින්, ඇය සිය පියාගේ සෙවණේ ජීවත් වූවාය. කිසිදු පිරිමි ළමයෙකු කිසි දා ඇගෙන් ගෙදරින් පිටතට යෑමට ඇරයුම් කර නැත. ලැන්ඩන් එවැන්නෙකු පිළිබඳව සිහිනෙකිනුදු සිතා නැත. එනමුදු දෛවයේ සරදමකට මෙන් විදුහලේ නර්තන සාදයේදී ඔහුගේ සහකාරිය වන්නේ ඇයයි. එයින් පසුව ලැන්ඩන් කාටර්ගේ ජීවිතය ලක් වන්නේ පුදුමාකාර වෙනසකටය. මිනිස් හදවතේ ගැඹුර හඳුනා ගන්නා ඔහු, මිනිසෙකු බවට පත්වීමේ මාවතට පා තබන්නේ අප සැවොම පුදුමයට පත් කරවන තීරණයකට එළැඹෙමිනි..