The Shadow of the Lynx - ලින්ක්ස්ගේ සෙවණැල්ල

ඕස්ට්‍රේලියාවට පැමිණෙන නෝරා ටැමසින් බියජනක වූත්, පාලනය කළ නොහැකි තරම් විශාල උනන්දුවක් ඇති කරවනසුලු, ලින්ක්ස් නමින් හැඳින්වෙන චාල්ස් හෙරික්ගේ භාරකාරීත්වය යටතට තමන් පත්ව ඇති බව සොයාගනී. ඇය වටා සිටිනා සියලුම දෙනා රත්තරන් සෙවීම ගැන හැර වෙනත් කිසිම දෙයක් ගැන නොසිතයි. රත්තරන් සෙවීම ඔවුන්ට කොතරම් අතිහැර දැමිය නොහැකි යමක් වෙනවාද කියනවා නම් එම කාර්යයටම අවධානය යොමු කිරීම නිසා මිනිසුන් දිළිඳු බවට පත්වෙති, සමහරු මරණය පවා ළඟා කර ගනිති. ස්ටර්ලිංග් හෙරික්ට රත්තරන් සෙවීමට උවමනා වන්නේ ඔහුගේ තාත්තා එසේ කළ නිසාය. ලින්ක්ස් ගැන කියනවා නම්, ඔහු රත්තරන් සෙවීමට අවධානය යොමු කරන්නේ ඔහුට යම් හානියක් කළ අයකුට දඬුවම් දීමට මෙන් පෙනෙයි. ජීවිතය නොවැදගත් ලෙසින් සලකන, ප්‍රචන්ඩ ලෝකයක ජීවත් වීමට සිදු වන නෝරා, රන් සෙවීමේ වාතාවරණයෙන් උද්‍යෝගයට පත් වෙනවා මෙන්ම බලවත් ලින්ක්ස්ගේ බලයට සම්පූර්ණයෙන්ම යටත් වෙයි. එයට සම්බන්ධ වීමෙන් වැළකීමට නොහැකි වීම හේතුවෙන්, නැවතත් එංගලන්තයට සහ ඉපැරණි වයිට්ලේඩීස් මන්දිරයට පැමිණීමට ඇයට මග සලසන කුමන්ත්‍රණයකට ඇය සම්බන්ධ වෙයි.