Kasawatha Gana Kathawak - කසාවත ගැන කතාවක්

“පොඩි හාමුදුරුවනේ, ඔබ වහන්සේ සිවුර හැර දමා ගෙදර ගියොත් ළිඳක් වේවි. මැරෙනකම් අම්මා බලාගනීවි. ඊළඟට අක්කලා, අක්කලගෙන් පස්සේ ඒ අයගේ දරුවෝ, කසාද බැන්දත් ඒ සන්තෑසියම තමයි. ඒත් පොඩි හාමුදුරුවෝ සිවුරේ ඉඳලා අපේ ලොකු හාමුදුරුවෝ වගේ වුණොත් මහ ගඟක් වෙන්න පුළුවන්. අඩු තරමෙන් මම වගේ පුංචි දොලපාරක් වෙන්න පුළුවන්” සිරිමාන්න මහත්තයා කීවේය. “සිරිමාන්න මහත්තයා, මේ සිවුර නැත්නම් මම කකුල් දෙක අල්ලලා මහත්තයාට වඳිනවා” මම කිවෙමි. “මට” ඔහු ඇසුවේය. “ඔවු. මහත්තයාට නොවෙයි. මහත්තයා එක්ක ඉන්න අපේ බෝධිසත්වයන්ට” මම කීවෙමි.